Ari asup masantren beda jeung sakola biasa, sabab masantren mah mondok, sanajan aya nu henteu oge, nganterken masantren lir ibarat nganterken nu rek jihad, gede pangharepan sangkan budak jadi soleh panceg elmu agamana. Tah alatan kitu, biasana nu nganter masantren ngabandalet aya ka 2 nepi 3 mobil na, ti mimiti indung bapa, adi lancek, aki nini, emang bibi ngilu nganterken bari marekelan ngarojong mere sumanget sangkan betah masantren na.
Kuring si jumif mah nalika dianterken ka pasantren teh alhamdulilah dianterken ku mamah jeung bapa, sarua naek mobil na mah, ngan aya tulisan angkutan kota wungkul, bari da teu pati jauh masantren na ge.
Angkotna kacida lila ngetem na can maju na lalaunan, maklum angkot ngan hiji hijina jalur eta, pas nepi parapatan biasa sok aya pulisi cepe ngatur lalu lintas bari menta buruh, tah dikersaken aya dua harita teh， nu hiji geus dibere nu hiji menta deui bari sungut bau ao, ari supir rumasa geus mere jadi teu daek mere deui, na atuh eta jelema langsung ngudag naek motor bari mamawa bedog diacungken, lantaran sieun supir nincak gas satarikna bari gogorowokan menta tulung, tapi.angger eta jelema ngudag tuluy, nepi ka dibeloken ku supir ka pusdiklat polri, alhamdulillah teu daek nuturken deui, sigana sieun dipasantrenken dina bui.
beres ti dinya angkot maju deui bari daregdegan nu di jero angkot tapi, alhamdulillah kersaning gusti bisa nepi ka pasantren kalayan salamet, na jero hate cirian ah ieu angkot bisi teu betah babari kaburna, sugan weh eweh nu ngugudag make bedog, da enggeus pan nalika datang mula. cag heula ah nepi dieu.
Tidak ada komentar:
Posting Komentar